Դորտմունդի «Բորուսսիայի» գլխավոր մարզիչ Յուրգեն Կլոպը դժգոհ է Բունդեսլիգայի առաջին տուրի «Բայերի» դեմ խաղում գրանցված արդյունքից: Այդ խաղում դորտմունդցիները գոլ բաց թողեցին առաջին 10 վայրկյանների ընթացքում:

«Իհարկե, այդպիսի սկիզբն ինձ համար հարված էր: «Բայերն» իրականացրեց իր ծրագիրը, իսկ մենք՝ ո՛չ: Մեզ դեռ շատ աշխատանք է սպասվում: Հանդիպման սկզբին մենք չկարողացանք արթնանալ, և այդ հարցում միայն ինձ եմ մեղադրում: Անկախ ամեն ինչից՝ մենք հաղթելու կամք ցույց տվեցինք»,-Կլոպի խոսքերն է մեջբերում «Soccerway.com»-ը:

«Բորուսսիան» «Բայերին» պարտվեց սեփական հարկի տակ 0-2 հաշվով: